Որոնք են վահանաձև գեղձի հիմնական հիվանդություններն ու դրանց ախտանշանները և որ սովորություններն են հանգեցնում այդ օրգանի աշխատանքի խանգարման

Ծխելը, բացի այն, որ վնասում է թոքերը և առհասարակ վտանգավոր է առողջության համար, կարող է նաև հանգեցնել լուրջ խնդիրների՝ կապված վահանաձև գեղձի հետ, որոնցից ազատվելը շատ ավելի դժվար կլինի հենց այդ սովորության պատճառով:

Վահանաձև գեղձը լինում է ոչ այնքան մեծ չափերի և ունենում է թիթեռի ձև: Շատերն անտեսում են այս օրգանի առողջությունը, սակայն այն իրականացնում է շատ կարևոր գործառույթ օրգանիզմի բոլոր համակարգերի աշխատանքի համար:

Վահանաձև գեղձը պատասխանատու է հորմոնների արտադրման համար և կարգավորում է նյութափոխանակության բոլոր գործընթացները:

Բացի այդ, վահանաձև գեղձը նաև կարգավորում է մարմնի ջերմաստիճանը, սրտամկանի կծկումների հաճախականությունը և նյութափոխանակությունը, ինչը որոշում է կալորիաների այրման արագությունը:

Այսպիսով՝ վահանաձև գեղձի ճիշտ աշխատանքը անմիջականորեն կապված է մարդու ինքնազգացողության հետ: Սա է պատճառը, որ դրա աշխատանքի ցանկացած խանգարումը կարող է հանգեցնել հորմոնալ դիսբալանսի ու տարբեր հիվանդությունների առաջացման:

Որո՞նք են վահանաձև գեղձի ամենատարածված խնդիրները

Հարկ է նշել, որ վահանաձև գեղձի խնդիրներն 8 անգամ ավելի շատ հանդիպում են կանանց մոտ: Ընդ որում՝ այդ գեղձի աշխատանքի խանգարման վտանգը զգալիորեն բարձրանում է դաշտանադադարի ժամանակ:

Վահանաձև գեղձի հիմնական հիվանդություններն են.

Հիպոթիրիոզը. սա մի հիվանդություն է, որի դեպքում վահանաձև գեղձը չի արտադրում բավարար քանակությամբ հորմոններ: Արդյունքում՝ օրգանիզմում առաջանում է հորմոնալ դիսբալանս և ի հայտ են գալիս հետևյալ ախտանշանները.

հոգնածության զգացում և դեպրեսիա,

դող,

մկանային ցավեր,

մտավոր կարողությունների դանդաղեցում և խնդիրներ ուշադրության կենտրոնացման հետ,

խնդիրներ մարսողության հետ և փորկապություն,

ավելի առատ արտադրություն դաշտանի ժամանակ և դրա տևողության երկարացում,

քաշի կտրուկ ավելացում,

չոր մաշկ ու մազեր, փխրուն եղունգներ

Հիպերթիրիոզը. սա հակառակ վիճակն է, որի դեպքում տեղի է ունենում հորմոնների չափազանց շատ արտադրություն: Հիպերթիրիոզի ախտանշաններն են.

դողը, նյարդայնությունն ու դյուրագրգիռությունը,

շոգի զգացողությունը,

արագ ու անկանոն սրտի զարկերը,

մկանային թուլությունն ու հոգնածությունը,

հաճախակի պետքարան գնալու ցանկությունը,

դաշտանի ժամանակ ավելի քիչ արտադրությունը,

քաշի կտրուկ կորուստը,

մազաթափությունը,

դուրս ցցված աչքերը

Ո՞ր սովորությունները կարող են հանգեցնել վահանաձև գեղձի աշխատանքի խանգարումների

Վահանաձև գեղձի խնդիրներ առաջանում են, որպես կանոն, աուտոիմունային խանգարումների, գենետիկ հակվածության կամ որոշ դեղորայքի ընդունման դեպքում:

Հետազոտությունները ցույց են տվել, որ մարդկանց սովորությունների ու վահանաձև գեղձի հիվանդությունների միջև կա անմիջական կապ:

Նստակյաց կյանքը

Ժամանակակից աշխարհում, ցավոք, շատերն են վարում նստակյաց կյանք, ինչով վնասում են առողջությանը:

Պարբերաբար ֆիզիկական ծանրաբեռնվածության և առհասարակ ցանկացած ակտիվության բացակայությունը կարող է բացասաբար անդրադառնալ վահանաձև գեղձի աշխատանքի վրա և հանգեցնել հիպոթիրիոզի առաջացման:

Խնդրի լուծումը

Անհրաժեշտ է օրական առնվազն 30 րոպե տրամադրել ֆիզիկական վարժություններին և հնարավորինս քիչ նստել կամ պառկել:

Կոֆեինի չարաշահումը

Շատերը նույնիսկ չեն էլ պատկերացնում, թե ինչպես կարելի է սկսել օրն առանց մի բաժակ սուրճի, ինչն իրականում այդքան էլ վատ չի: Սակայն սուրճի կամ կոֆեին պարունակող այլ սննդամթերքի չարաշահումը կարող է հանգեցնել լուրջ առողջական խնդիրների, այդ թվում նաև վահանաձև գեղձի աշխատանքի խանգարման:

Խնդրի լուծումը

Անհրաժեշտ է սահմանափակել սուրճի կամ կոֆեինի բարձր պարունակությամն այլ սննդամթերքի (թեյ, կակաո) գործածությունը և փոխարինել դրանք հասարակ ջրով կամ բնական հյութերով:

Հարբեցողությունը

Ալկոհոլի չարաշահումը կարող է հանգեցնել այնպիսի խանգարումների, ինչպիսին հիպոթիրիոզն է:

Խնդրի լուծումը

Անհրաժեշտ է բացառել կամ գոնե սահմանափակել ալկոհոլային ըմպելիքների օգտագործումը:

Ծխախոտի չարաշահումը

Ծխախոտի և դրա ծխի մեջ պարունակվում են թունավոր նյութեր, որոնք կարող են դառնալ վահանաձև գեղձի հետ կապված լուրջ խնդիրների պատճառ՝ հատկապես ռիսկային գոտում գտնվողների մոտ:

Ամենամեծ խնդիրն այն է, որ ծխող մարդկանց համար շատ ավելի դժվար է վերահսկել վահանաձև գեղձի աշխատանքը:

Խնդրի լուծումը

Անհրաժեշտ է անել ամեն ինչ այդ սովորությունից հրաժարվելու համար: Սա ոչ միայն կօգնի ազատվել վահանաձև գեղձի հիվանդություններից, այլև առհասարակ կբարելավի կյանքի որակը:

Չծխողները պետք է աշխատեն հնարավորինս հեռու մնալ ծխողներից՝ ծխախոտի ծխի բացասական ազդեցությունից խուսափելու համար:

Օրգանիզմում յոդի պակասը

Օրգանիզմում յոդի պակասը վահանաձև գեղձի հիվանդությունների, հատկապես հիպոթիրիոզի, առաջացման հիմնական խնդիրներից մեկն է: Այս տարրն անհրաժեշտ է գեղձի կանոնավոր գործունեության ու բավարար քանակությամբ հորմոնների արտադրության համար:

Խնդրի լուծումը

Անհրաժեշտ է կրգավորել օրգանիզմում յոդի մակարդակը: Այս հարցում կօգնեն հետևյալ մթերքները.

ծովի աղը,

ձուկն ու ծովամթերքը,

սպիտակ լոբին,

ջրիմուռները,

սոխն ու սխտորը,

կաթնամթերքը (յոգուրտ, կաթ, պանիր)

Սթրեսը

Մարդու էնդոկրին համակարգը շատ զգայուն է ֆիզիկական ու հոգեկան սթրեսի հանդեպ: Եթե սթրեսը բավական ուժեղ է եղել, ապա դա կարող է բացասաբար ազդել վահանաձև գեղձի աշխատանքի վրա:

Խնդրի լուծումը

Անհրաժեշտ է սովորել կառավարել սթրեսային իրավիճակները: Այս հարցում կարող են օգնել տարբեր հանգստացնող մեթոդները կամ որևէ հաճելի ու հանգստացնող բան:

 

Понравилась статья? Поделиться с друзьями: